"පිළිසරණක්" යනු යම් යම් අවශ්‍යතා මත අසරණ වී පිළිසරණක් පතමින් සිටින අපේම මිනිසුන් සහ අනෙකුත් සත්ව සංහතිය වෙනුවෙන් අරඹන ලද ව්‍යාපෘතියක් සහ බ්ලොග් අඩවියකි.

බ්ලොග් අඩවිය තුළ ඔබෙන් පිළිසරණක් බලාපොරොත්තු වන මිනිසුන්, සතුන් සහ ව්‍යාපෘති සම්බන්ධව තොරතුරු අන්තර්ගත වන අතර ඔවුනට පිළිසරණක්වීමට අවැසි නම්, ඒ ඒ දැන්වීම්වල සටහන් කර ඇති සම්බන්ධ කර ගැනීමේ තොරතුරු හරහා ඔවුන්ව සම්බන්ධ කර, ඔවුන් වෙත උපකාර කළ හැක.

එපමණක් නොව පිළිසරණක් පතන අය වෙනුවෙන් දියත් කෙරෙන ලාභ නොලබන ව්‍යාපෘති සහ සේවාවන් පිළිබදවද අප මෙම බ්ලොග් අඩවිය හරහා ඔබව දැනුවත් කරන්නෙමු.

මේ වන විට මෙහි පල කෙරෙන දැන්වීම් රුධිර පරිත්‍යාග, වකුගඩු පරිත්‍යාග, ද්‍රව්‍යමය පරිත්‍යාග, මූල්‍යමය පරිත්‍යාග, ප්‍රවාහන සේවා සහ සුරතල් සතුන් ලෙස වර්ග කර ඇත. ඒක් කැටගරියකට අයත් දැන්වීම් පමණක් නැරඹීමට අවශ්‍ය නම් ඔබට එම කැටගරිය තුළට පිවිසීමට සිදු වන අතර ඉන්පසු එම කැටගරියට සම්බන්ධ දැන්වීම් පමණක් පෙන්වනු ඇත.

2018 ඔක්තෝබර් මස 20 වන දින ආරම්භ කරන ලද මෙම ව්‍යාපෘතිය තවමත් පරීක්ෂණ මට්ටමේ පවතියි. මෙහි ඇති අනුගමනය කිරීම හෙවත් Follow කිරීමේ පහසුකම හරහා පිළිසරණක් බලාපොරොත්තුවන්නන් වෙනුවෙන් පිළිසරණක් විය හැකි Blogspot පරිශීලකයන් එකම ස්ථානයකට එකතු කර, මෙම බ්ලොග් අඩවිය හරහා Blogspot පරිශීලකයන්ගේ එකමුතුවක් ඇති කිරීමටත්, අප බලාපොරොත්තු වන්නෙමු.